मंगलबार विज्ञप्ति जारी गर्दै मन्त्री पहाडिले वार्तामा आउन आव्हान गरेका हुन् । विज्ञप्तिमा नेपालको पुर्वि क्षेत्रमा गरेको बन्द हडताल लगायतका विरोधका कार्यक्रमप्रति मन्त्रालयको ध्यानाकर्षण भएको बताइएको छ ।
परिषद्ले सरकारसंगको पूर्व सहमति अनुसार राज्य पुनर्संरचना आयोगमा आफ्नो पार्टीको प्रतिनिधित्व माग गर्दै तीन दिन देखि आम हड्ताल गर्दै आएको छ ।
शान्तिपुर्ण वार्ताको माध्यमबाट समाधान निकाल्न सकिने स्पष्ट पार्दै वार्ताका लागि मन्त्रालय तयार रहेको मन्त्री पहाडिले जनाएका हनु् ।
यसअघि पनि परिषदसँग वार्ताहरु भएको जानकारी दिंदै मन्त्री पहाडिले वार्तामा भएका सहमतिहरु कार्यान्यनका लागि सम्वन्धीत निकायहरुमा पठाइसकिएको व्यहोरा स्पष्ट समेत पारेका छन् ।
वन्द हडताल लगायतका विरोधका कार्यक्रमहरुले जनतामा नकारात्मक असर पर्ने भएकाले आजैका मितिबाट त्यस्ता कार्यक्रमहरु स्थगित गरी वार्ताको टेवुलमा आउन पनि अपील गरिएको छ ।
त्यसैगरी विभिन्न शसस्त्र समुहसँग वार्ता गर्न सरकारद्धारा मन्त्री पहाडि नेतृत्वमा गठित वार्ता टोलीको मंगलबार बसेको बैठकले अहिलेसम्म सम्पर्कमा रहेका विभिन्न शसस्त्र समुहहरुलाई वार्तामा आउन आव्हान गरेको छ ।
शान्ति तथा पुनर्निर्माण मन्त्री सत्य पहाडिको संयोजकत्वमा शान्ति मन्त्रालय सिंहदरबारमा बसेको बैठकले यस्तो आग्रह गरेको हो ।
समितिमा विना विभागिय मन्त्री र गृह राज्यमन्त्री सदस्य रहेका छन् ।
शान्ति तथा पुननिर्माण मन्त्रालयले तराईका विभिन्न शसस्त्र समुह, पुर्वका लिम्वुवान लगायतका समुहसँग पनि वार्ता गर्दै आएको छ ।
