एजेन्सी, माघ १६ । बलिउडकी ९० की दशककी चर्चित अभिनेत्री श्रीदेवीको सुन्दरता अझै पनि उस्तै छ । त्यस्तै लाग्छ, यो फोटो हेर्दा । भारतका फेसन फोटोग्राफर डब्बु रतनानीले ‘पिपुल’ नामक पत्रिकाका लागि श्रीदेवीका दुवै छोरीहरु खुशी र जान्हवीका साथमा एक फोटोसुट गराएका छन् ।
श्रीदेवीले आफ्ना २ छोरीहरुका साथमा पत्रिकाको लागि फोटोसुट गराएको यो पहिलो पटक भएको जनाइएको छ । श्रीदेवी कयौं कार्यक्रमहरुमा आफ्ना छोरीहरुका साथमा देखिईसकेको फोटोहरु बाहिर यसअघि नै आईसकेका हुन् ।
तर, पत्रिकाका लागि फोटोसुट नै गराएको भने यो पहिलो पटक भएको जनाइएको हो । छोरीहरुका साथमा श्रीदेवी निकै सुन्दर देखिएकी छिन् । छोरीका साथमा श्रीदेवीको यो फोटो हेर्दा लाग्दैन कि उनी ४९ वर्षकी हुन् ।
चर्चित अभिनेत्री श्रीदेवीले लामो समयपछि वर्ष सन् २०१२ मा फिल्म ‘इंग्लिस भिग्ंिलस’बाट बलिउडमा पुनरागमन गरेकी थिइन् ।
